طليق علياء عساف ينفي كل ما قيل عنه ويعتذر من والدته

يبدو أن قصة طلاق الفنانة الشابة علياء عساف لم تنتهي، خاصةً بعد ما نشرته صديقتها عن تفاصيل طلاقها والتي بينت فيها أسباب الطلاق.

إلا أنها قررت التراجع عن كل ما كتبته ووجهت اعتذار لوالدة محمد، طليق علياء، وقالت أن الكلام كان مبنياً على ما قالته علياء عن محمد ووالدته لها عبر الهاتف.

كتبت صديقة علياء سهام شعبان التالي: "انا عمرى ما اقبل اجيب لأي أم فى الدنيا كلمه تجرحها ولا انيمها زعلانه او تدعى عليا بسبب كلام انا كتبتو بإيدى ومع انى ماليش ذنب ولا شهرت بحد والكلام كان من قبل علياء بس برضو انا بعتذر لوالده زوج علياء عساف على اى تجاوز منى او من اى انسان غلط فى حقها قدام كل الناس...واللى ما اقبلوش على أمى ما أقبلوش علي أى ام انا اسفه".

وبعد هذه التدوينة نشر محمد عماد الدين صورة على الانستغرام وجه فيها رسالة اعتذار لوالدته ونصيحة لجميع الأمهات.

كتب في رسالته: "انا بعتذر لامي لكل اصحابي واهلي وحبايبي عن اي افترائات سمعوها ضايقتهم وجرحتهم من ناس قالو انهم متربيين على الاصول و كتيير منكم طلبوا اني ارد وفي حاجات رديت فيها علشانكم وفي حاجات تجاهلتها وده الي هعملوا من هنا ورايح وكل اناء ينضح بما فيه و مش عايز اغلط تاني واغلي الرخيص".

وتابع قوله: "انا غلطت ودي مش اول غلطه ليه اني احاول اجيب حد مش من بيئتنا ومش زينا واخليه مننا دايماً الفئه دي بتصعب عليا وبحاول اني اجيبهم حياتنا بس منفعش وانا بعترف ب ده مع احترامي للجميع...".

ومن ثم تحدث عن زواجه وعن زوجته السابقة وقال: "اوعدكم الغلط ده مش هيتكرر مره تانيه وان شاء الله اختياري المره الجايه هيكون من وسطنا ومن الناس الي شبهنا. وبالنسبه للي مصدقين انا هاقول جملتين اتفرجوا على صور علياء عساف قبل الجواز وصور عليا (الهانم ) بعد الجواز واتفرجوا علي اعتذار الكاتبه الكبيره سهام شعبان بعد ما تفهمت الحقيقه وجاوبوا علي نفسكم".

ووجه رسالة ونصيحة لجميع الأمهات: "وفي الاخر عندي نصيحه لكل الامهات والبنات علموا بناتكم ان الجواز مش وثيقه تأمين علي الحياه لا لا لا الجواز هو الحياه. متقوليش لبنتك انها تضمن مستقبلها بالمؤخر والمقدم والشبكه علشان لما (تطلق) ولا لما يموتعلموهم الجواز الي ربنا علمهولنا السكن والاسره والاستقرار والاطفال و التربيه والتعليم وحسن الختام.نقطه ومن اول السطر".